Xəbər verdiyimiz kimi, bu gün Bakının Səbail rayonu ərazisində, “Sahil bağı” (keçmiş “26 Bakı Komissarı” bağı) yaxınlığında, Xaqani küçəsində yerləşən “26” - “Twenty six” adlı kafe bağlanıb. Əraziyə Bakı şəhər İcra Hakimiyyətinin başçısı Hacıbala Abutalıbov və Bakı şəhər Baş Polis İdarəsinin rəis müavini, polis general-mayoru Səhlab Bağırov da gəlib.
 
Ölkə gündəmini zəbt edən hadisədən sonra kafenin kimə məxsus olmağı müzakirələrə səbəb olub.
 
RePost.Az xəbər verir ki, “Qafqazinfo”nun özəl mənbələrdən əldə etdiyi məlumata görə, “26” adlı kafenin sahibi Bakı Dövlət Universitetində Hüquq fakültəsinin“Cinayət prosesi” kafedrasının müəllimi Ərəstun Qasımovdur. 
 
Kafeni Ə. Qasımovun oğlu Əliyarın işlətdiyi bildirilir.
 
Ailə həmçinin, “Hollivud” restoranlar şəbəkəsini də idarə edir.
 
Əliyar Qasımov sosial şəbəkə hesabında dəbdəbəli həyatını əks etdirən fotoları paylaşıb. Üç uşaq atası olan Ə. Qasımov oğluna atasının adını qoyub.
 
RePost.Az

Baxış sayı: 2801 | Tarix: 08.09.2017
Bizi Telegramda izləyin: @repostaz