Azərbaycan prezidenti İlham Əliyev, birinci xanım Mehriban Əliyeva, ailə üzvləri Fəxri xiyabanda ümummilli lider Heydər Əliyevin məzarını ziyarət edib.
 
RePost.Az-ın məlumatına görə, dövlət başçısı Heydər Əliyevin məzarı önünə əklil qoyub, xatirəsini ehtiramla anıb.
 
Azərbaycan Respublikasının dövlət himni səslənib.
 
Sonra dövlət başçısı və ailə üzvləri akademik Zərifə Əliyevanın, görkəmli dövlət xadimi Əziz Əliyevin və tanınmış həkim-alim Tamerlan Əliyevin məzarlarını ziyarət edərək üzərinə gül dəstələri qoyublar.
 
Mərasimdə baş nazir Novruz Məmmədov, Milli Məclisin sədri Oqtay Əsədov, Prezident Administrasiyasının rəhbəri Ramiz Mehdiyev, nazirlər, komitə və şirkət rəhbərləri, Milli Məclisin deputatları iştirak ediblər.
 
Bu gün Heydər Əliyevin anadan olmasının 95 il ötür. 
 
RePost.Az

Baxış sayı: 3319