Digər Xəbərlər
Səhiyyə naziri Prezidentə yalan məlumat verdi - İfşa olundu - VİDEO
Strateji obyektlərdə generatorların quraşdırılması məsələsinə də baxmaq lazımdır, ilk növbədə, xəstəxanalarda və metroda.
RePost.Az-ın məlumatına görə, bunu Azərbaycan prezidenti İlham Əliyev ölkənin enerji sistemində vəziyyətlə əlaqədar müşavirədə deyib.
"İndi səhiyyə naziri məruzə edir ki, bütün xəstəxanalarda generatorlar işləyib. Məndə olan məlumata görə bu, həqiqətə uyğun deyil. Bəzi xəstəxanalarda generatorlar işləməyib, ya olmayıb, ya qoşulmayıb, ya da ki, işlək vəziyyətdə olmayıb. Ona görə, siz gərək ciddi təftiş aparasınız, bütün ölkə üzrə xəstəxanalarda generatorların mövcudluğu və onların işlək vəziyyətdə olması haqqında həm komissiyaya, həm də mənə məruzə etməlisiniz.
O ki qaldı metropolitenə, ümumiyyətlə, bildiyimə görə, metropolitendə generatorlar mövcud deyil. Hesab edirəm ki, bu da çox acınacaqlı faktdır. Tezliklə təkliflər verin ki, metronun bütün stansiyalarında generatorlar olsun və enerji ilə hər hansı bir problem yarandıqda insanlar əziyyət çəkməsinlər",- deyə prezident əlavə edib.
RePost.Az
Baxış sayı: 2972 | Tarix: 04.07.2018
Bizi Telegramda izləyin: @repostaz
