Dərmanların qiyməti dolların məzənnəsindən asılı olacaq.
 
Bu barədə RePost.Az-a Tarif (Qiymət) Şurasından məlumat verilib. Məlumata görə Şura dərmanların qiymətlərinin tənzimlənməsi barədə yeni qaydalar təsdiq edib.
 
Bu qaydalara görə, dərmanların qiymətini Tarif (Qiymət) Şurası birbaşa müəyyən etməyəcək və o, topdansatış şirkətlərinin aldığı qiymətə xüsusi əlavə edilməklə satılacaq. Topdansatış şirkəti dərmanın üstünə alış qiymətinin 20 faizindən artıq vəsait qoya bilməyəcək. Dərmanların qiyməti alış qiyməti artdıqca azalacaq.
 
Topdansatış şirkəti 5-20 manat qiymətin üzərinə 17 faiz, 20-50 manat qiymətin üzərinə 13%, 50-100 manat arasında dəyişdikdə isə 7 faiz əlavə edə bilər. 100 manatdan sonra isə topdansatış şirkəti yalnız 3 faiz əlavə edə bilər. Aptek (pərakəndəsatış) qiymətlərində ticarət marjası nisbətən yüksəkdir və 50 manata qədər dərmanlarda 20 faiz təşkil edir, 50-100 manat arasında 13 faiz, 100 manatdan artıq olduqda isə 11 faiz olacaq.
 
 
 

Baxış sayı: 3542 | Tarix: 18.02.2017
Bizi Telegramda izləyin: @repostaz