Rusiyanın “Qazprom” şirkəti 2023-cü ilin mart ayına qədər yeni müqaviləyə əsasən, Azərbaycana 1 mlrd. kubmetrədək qaz tədarük edəcək.
 
Bu barədə “APA-Economics” şirkətin rəsmi məlumatına istinadən xəbər verir.
 
“Noyabrın 15-də yeni qaz alqı-satqısı müqaviləsi çərçivəsində Rusiya qazının Azərbaycana tədarükü başlayıb. Sənəd "Qazprom Eksport" MMC ilə Azərbaycan Respublikası Dövlət Neft Şirkəti (SOCAR) arasında imzalanıb”, - məlumatda qeyd olunur.
 
Məlumata görə, müqavilə 2023-cü ilin mart ayına qədər 1 milyard kubmetrədək qaz tədarükünü nəzərdə tutur.
 
Xatırladaq ki, 2021-ci ildə Azərbaycan və Rusiya qazın mövsümi tədarükü ilə bağlı razılığa gəliblər.
 

Baxış sayı: 4625 | Tarix: 18.11.2022
Bizi Telegramda izləyin: @repostaz