Bakının "20 Yanvar" dairəsində avtonəqliyyat vasitələrinin hərəkətinə dəyişiklik edilə bilər. Həmin ərazidə hərəkətin işıqforlarla tənzimlənməsi nəzərdə tutulur və artıq bir neçə işıqfor quraşdırılıb. 
 
RePost.Az xəbər verir ki, məsələyə aydınlıq gətirən Bakı Şəhər Baş Polis İdarəsinin Dövlət Yol Polisi İdarəsinin İctimai qurumlarla əlaqə bölməsinin rəisi, polis polkovniki Vaqif Əsədov Trend-ə bildirib ki, dəyişikliyin məqsədi təhlükəsizliyin təmin edilməsi, avtomobillərin keçmə növbəliyində yaranan süni sıxlığın aradan qaldırılmasıdır. V.Əsədov bildirib ki, həmin ərazidə işıqforlar quraşdırılsa da, hələ işə salınmayıb. Onun sözlərinə görə, yaxın vaxtlarda işıqforlar işə salınacaq: “Bir neçə gün ərzində müşahidələr aparılacaq. Əgər özünü doğrultsa, həmin ərazidə işıqforlar daimi qalacaq, əks halda başqa tədbir görüləcək”.
 
Qeyd edək ki, bir müddət öncə Yasamal rayonunda "Beşmərtəbə" adlanan dairədə süni sıxlığın aradan qaldırılması üçün həmin dairədən Azərbaycan prospekti ilə avtomobillərin hərəkəti üçün yeni yaradılmış zolaq bir neçə gün aparılmş müşahidələrdən sonra daimi istifadəyə verilib.
 
RePost.Az

Baxış sayı: 2972 | Tarix: 30.01.2017
Bizi Telegramda izləyin: @repostaz