Digər Xəbərlər
Koronavirus xəstələri ictimai yerlərdə aşkarlanıb
Koronavirus xəstələri ictimai yerlərdə aşkar edilərək saxlanılıb.
Daxili İşlər Nazirliyindən RePost.Az-a verilən məlumata əsasən, daxili işlər orqanlarının əməkdaşları tərəfindən aprelin 21-də respublika ərazisində 3 nəfər aktiv koronavirus xəstəsi ictimai yerlərdə aşkar edilərək saxlanılıb.
Polis əməkdaşları onlarla izahedici söhbətlər aparıb, tibbi prosedurları gözləməklə xəstəxanaya yerləşdirib.
Barələrində Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə cinayət işi başlanılıb. Hazırda istintaq araşdırmaları davam etdirilir.
Bir daha vətəndaşlarımızdan koronavirusla əlaqədar tətbiq edilmiş xüsusi karantin rejimindən irəli gələn bütün tələb və qadağalara ciddi riayət etmələrini xahiş edirik.
Baxış sayı: 6620 | Tarix: 22.04.2021
Bizi Telegramda izləyin: @repostaz
