Digər Xəbərlər
Sumqayıtda ata qızını boğaraq öldürüb
Prokurorluq Sumqayıtda baş verən qətl barədə məlumat yayıb.
Baş Prokurorluğun Mətbuat xidmətindən RePost.Az-a verilən xəbərə görə, fevralın 15-də Sumqayıt şəhər sakini 1984-cü il təvəllüdlü Zəminə Mehtiyevanın öldürülməsi faktı ilə bağlı Sumqayıt şəhər prokurorluğunda məlumat daxil olub.
Aparılmış araşdırmalarla zərərçəkmişin atası Salam Cəfərovun şəxsi münasibətlər zəminində aralarında yaranmış münaqişə zamanı Zəminə Mehtiyevanı elektrik naqillə boğaraq qəsdən öldürməsinə əsaslı şübhələr müəyyən edilib.
Faktla bağlı Sumqayıt şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
Salam Cəfərov şübhəli şəxs qismində tutularaq istintaqa cəlb edilib.
Hazırda cinayət işi üzrə istintaq davam edir.
Baxış sayı: 6259 | Tarix: 15.02.2022
Bizi Telegramda izləyin: @repostaz
