Həkim jurnalist Elşad Paşasoyu təhdid edir

Jurnlaist Elşad Paşasoy övladının səhhəti ilə bağlı müraciət etdiyi həkim tərəfindən təhqir olunub.

 

RePost.Az xəbər verir ki, bu barədə jurnalist öz sosial media hesabında məlumat yayıb.  

 

Paşasoyun sözlərin görə, övladının səhhətində yaranmış problemlərlə əlaqədar pediator Milli Hematologiya və Transfuziologiya Mərkəzinə müraciət etməyi məsləhət görüb. Həmçinin ona bu sahə üzrə mütəxəsis olan həkim Ələmşah Əliyevi tövsiyə edib. 

 

"Ehtiramla müraciət etdiyim Ələmşah həkimdən “nə məsləhət görürsünüz, uşağı təkrar müayinə üçün Milli Hematologiya və Transfuziologiya Mərkəzinə gətirimmi, soruşanda od götürdü. Sən hara zəng edibsən? Bilmirsənmi mən orda işləmirəm? TƏBİB oranı yaman günə qoyandan sonra mən çıxmışam, başqa yerdə işləyirəm, daha nələr. 

 

Sakitcə dedim ki, doktor, mən uşağın səhhətinə görə narahatam, sizdən məsləhət istəyirəm. Əsəbi halda telefonu söndürdü.

 

Doğrusu, çox pis təsir etdi, təkrar yığdım ki, bəs siz həkimsiniz, vətəndaşa bu nə münasibətdir? Açdı “gül” ağzını: “axmaq”, “sənin başını kəsdirərəm, bilirsən mən kiməm?” Valideynlərimi təhqir etdi…Yəni belə bir əxlaq sahibi!!!"

 

Elşad Paşasoyun sözlərinə görə, TƏBİB məsələyə operativ reaksiya verib, hadisənin araşdırılacağını bildirib.

 

Sözügedən mərkəzdən isə jurnalistə bildirilib ki, həmin həkim bu cür anormal davranışlarına görə, işdən azad olunub.

 

"Amma səhiyyə adına xələl gətirən, vətəndaşı təhqir edən belə “həkim” mütləq cəzasını almalıdır. Hüquq-mühafizə orqanları səhiyyədə “at oynadan” belə birisinə mütləq hüququ anlatmalıdır! Özünə, öz valideyninə, öz peşəsinə hörmət etməyən başqasına da hörmət qoymaz! Vətəndaşa “sənin başını kəsdirərəm” deyən-özü də təkrar-təkrar-bir həkimin yeri səhiyyə deyil, müalicə mərkəzidir, ən azı!" - Elşad Paşasoy vurğulayıb.

 

Jurnlaist Daxili İşlər Naziri Vilayət Eyvazova müraciət edərək həkimin təhdid və təhqirləri ilə bağlı ölçü götürülmsəini xahiş edib.