"Vətəndaşların Laçın rayonu ərazisində lövhəni sındırması ilə bağlı inzibati qaydada həbs edilməsi ilə bağlı iddiaları təkzib edirik, tam əsassızdır".
 
Bu haqda DİN-in mətbuat xidmətindən bildirilib.
 
"Elnur İsayev və Cavid Quliyevin işğaldan azad olunan əraziyə qeyri-qanuni daxil olması və polis işçisinin və ya hərbi qulluqçunun qanuni tələbinə qəsdən tabe olmadığı üçün barələrində məhkəmənin qərarı ilə 10 sutka inzibati həbs tənbeh tədbiri tətbiq olunub.
 
Həmin ərazidə də "sürpriz” partlayıcı və mina təhlükəsi var.
 
Qeyd olunanları nəzərə alaraq diqqətə çatdırırıq ki, hər bir vətəndaşın təhlükəsizliyi diqqət mərkəzində saxlanılmaqla, cəzalandırmanın məqsədi profilaktik əhəmiyyət daşıyır”.
 
Qeyd edək ki, sosial şəbəkələrdə Laçında ermənilərin yazdıqları "Berdzor" lövhəsini sındıran Laçın sakini Elnur İsayevin həbs olunması ilə bağlı məlumat yayılmışdı.

Baxış sayı: 3694 | Tarix: 02.09.2022
Bizi Telegramda izləyin: @repostaz