Şagirdlər ötənilki formaları ilə məktəbə gələ bilər, direktorlara tapşırıq verilib

Elm və Təhsil Nazirliyi məktəbli formaları ilə bağlı yaranan vəziyyətə aydınlıq gətirib.

 

Nazirlikdən APA-nın sorğusuna cavab olaraq bildirilib ki, 2022-2023-cü tədris ilində yeni məktəbli formalarının tətbiqi ilə bağlı hər hansı məcburiyyət yoxdur.

 

"Şagirdlər ötənilki formaları ilə məktəbə gələ bilərlər. Bununla bağlı, məktəb direktorlarına şagirdlərdən məktəbli forması tələb etməmələrinə dair müvafiq tapşırıq verilib. Valideynlər məktəbli formaları ilə bağlı hər hansı sual və ya problem olduğu halda Elm və Təhsil Nazirliyinin 146-6, Bakı Şəhəri üzrə Təhsil İdarəsinin isə 146-1 "Çağrı Mərkəzi" ilə əlaqə yarada bilərlər", - qeyd olunub.