Prezident generalı və bu tanınmışları əfv etdi

 

Azərbaycanın Daxili İşlər Nazirliyi Baş Cinayət Axtarışı İdarəsinin sabiq rəisi, ömürlük məhkum Zakir Nəsirovun cəzası yüngülləşdirilib.

 

RePost.Az-ın məlumatına görə, Azərbaycan prezidenti İlham Əliyevin məhkum edilmiş bir sıra şəxslərin əfv olunması haqqında imzaladığı sərəncama əsasən, Ağır Cinayətlərə Dair İşlər üzrə Azərbaycan Respublikası Məhkəməsinin 2007-ci il 16 yanvar tarixli hökmü ilə ömürlük azadlıqdan məhrum etmə cəzasına məhkum edilmiş, 1947-ci ildə anadan olmuş, Azərbaycan Respublikasının vətəndaşı, Nəsirov Zakir Əsəd oğlunun cəzası 15 il müddətə azadlıqdan məhrum etmə cəzası ilə əvəz edilib. 

 

General-mayor Zakir Nəsirov Azərbaycan ərazisində insan oğurluğu və qətli ilə məşğul olan cinayətkar dəstənin zərərsizləşdiririməsi üzrə keçirilən xüsusi"Qara kəmər" əməliyyatı nəticəsində həbs edilmişdi. O, artıq cəza müddətinin 12 ildən çoxunu (ümumi müddətin 2/3-ni) çəkdiyi üçün, şərti olaraq vaxtından əvvəl azadlığa çıxır.

 

Bundan başqa prezidentin əfv etdiyi şəxslər arasında bir sıra tanınmışların adları var. Əfv olunanlardan - Rüfət və Rövşən Zahidovlar hazırda Fransada yaşayan "Azadlıq” qəzetinin baş redaktoru Qənimət Zahidin  qohumlarıdır.

 

Digər əfv olunanlar Elvin Abdullayev və Əbdül Əbilov "NİDA”çı, Nazim Ağabəyov isə bloger Emin Millinin qaynıdır.

 

RePost.Az