Repost : Xankəndində Qarabağ ermənilərə tibbi yardım göstərmiş azərbaycanlı həkim danışdı

“Xankəndinə daxil olanda sevinc hissi keçirirdik”.

Bunu Xankəndi-Laçın yolunda halı pisləşən Qarabağ ermənilərinə tibbi yardım göstərən Şuşa modul tipli xəstəxanasının həkimi Vilad Əliyev deyib.

Bizə məlumat verildi ki, Rusiya sülhməramlılarının müvəqqəti nəzarətində olan hissədən keçən ərazidə halı pisləşən ermənilər özlərini yaxşı hiss etmirlər. Dərhal iki təcili tibbi yardım avtomobili ilə hadisə yerinə yaxınlaşdıq. Dörd nəfərdən üçünün vəziyyəti nisbətən ağır idi”, - o, bildirib.

Həkimin sözlərinə görə, ermənilərə yerindəcə ilkin tibbi yardım göstərilib:

“Daha sonra onları bizim nəzarətimiz altında Xankəndində xəstəxanaya sağlam şəkildə çatdırdıq”.

Azərbaycanlı həkim Xankəndinə daxil olanda sevinc hissi keçirdiklərini deyib:

“Postda ermənilərlə Azərbaycan dilində danışdıq. Erməni xəstələrin həyatını xilas etdik. Xəstəxanaya təhvil verdikdən sonra geri Şuşaya qayıtdıq”./Report

Xatırladaq ki, ötən gün Rusiya sülhməramlıları Laçın-Xankəndi yolunda aksiya keçirilən əraziyə yaxınlaşaraq həkimə ehtiyac olduğunu bildiriblər.

Şuşalı həkimlər xəstələrə ilkin tibbi yardım göstərdikdən sonra onları Xankəndi xəstəxanasına çatdırıblar.

Baxış sayı: 9451 | Tarix: 05.04.2023

Bizi Telegramda izləyin: @repostaz