Digər Xəbərlər
DSX rəisinin müavini Laçında erməni təxribatı nəticəsində xəsarət alan hərbçiyə baş çəkib
İyunun 16-da Dövlət Sərhəd Xidməti rəisinin tapşırığına uyğun olaraq DSX rəisinin müavini, general-leytenant Cavid Abdullayev Laçın dövlət sərhədindən buraxılış məntəqəsində Ermənistanın təxribatı nəticəsində yaralanan və hazırda müalicəsi Kliniki Tibbi Mərkəzdə davam etdirilən hərbi qulluqçu Rüstəmov Elşən Raddin oğlunu ziyarət edib.
Bu barədə Dövlət Sərhəd Xidmətindən məlumat verilib.
Məlumata görə, həkimlər hazırda hərbi qulluqçunun vəziyyətinin stabil olduğunu, həyati təhlükəsinin olmadığını bildiriblər.
Hərbi qulluqçu Dövlət Sərhəd Xidmətinin rəhbərliyinə və Kliniki Tibbi Mərkəzin tibb heyətinə göstərilən yüksək diqqət və qayğıya görə minnətdarlığını bildirib. Müalicə-bərpa müddəti başa çatdıqdan sonra xidmətə qayıdacağını və sərhədlərimizin mühafizəsini şərəflə yerinə yetirəcəyini ifadə edib.
Baxış sayı: 7513 | Tarix: 16.06.2023
Bizi Telegramda izləyin: @repostaz
