ABŞ ordusuna məxsus nüvə sualtı qayığı Yaxın Şərqə çatıb.
 
Bu barədə ABŞ Silahlı Qüvvələrinin Mərkəzi Komandanlığı məlumat yayıb.
 
Qeyd olunub ki, Ohayo (Ohio) sinfinə aid sualtı qayıq yeni nəsil idarə olunan “Tomahawk” uzaqmənzilli raketləri ilə təchiz edilib.
 
Komandalığın sözlərinə görə, sualtı qayığın Yaxın Şərqə gəlməsi HAMAS-İsrail münaqişəsinin daha da genişlənməsinə çalışan qüvvələri çəkindirmək məqsədi daşıyır.
 
Həmçinin əlavə olunub ki, 154 ədəd “Tomahawk” qanadlı raketini daşıya bilən sualtı qayıq Misir paytaxtı Qahirənin şimal-şərqində Süveyş kanalından keçib.

Baxış sayı: 9299 | Tarix: 06.11.2023
Bizi Telegramda izləyin: @repostaz