Susananın intiharının İLGİNC TƏFƏRRÜATI - Bacısıyla masajçının intim münasibəti və ...

Bir neçə gün öncə yaşadığı binanın balkonundan özünü ataraq intihar etmiş Bakı şəhər sakini Susana Şərifovanın qayınanası - şairə, Yazıçılar Birliyinin üzvü Simuzər Nüsrətbəyli "Ölkə.Az"-ın suallarını cavablandırıb. Qeyd edək ki, S.Çərifovanın həyat yoldaşı Əbülfəz Baxşıyev hadisəylə bağlı saxlanılıb.

 
- Simuzər xanım, oğlunuzla Susana Şərifovanın vətəndaş nikahında yaşamağından xəbəriniz var idi?

- Bəli.

- Neçənci ildən birlikdədirlər?

- İki il övladları olmadı, böyük qızlarının altı yaşı var. 

- Niyə rəsmi nikah olmayıb?

- Kəbinləri var. Amma tutarlı səbəblərə görə nikah olmayıb. Mənimçün nikahın marağı yox idi. Gəlinim idi, evimdə yaşayırdı, hər şeyim onun olub, güldən ağır söz deməmişəm, ana olmuşam, qayınana yox. Allah ona rəhmət eləsin. Kaş özü sağ olaydı və danışan insanların cavabını özü verəydi. Susasanın psixoloji problemi vardı. Əbülfəz isə ali təhsilli oğlandır. Yazırlar ki, guya narkoman olub. Onlar bir-birini çox seviblər. İki balaları var. Kiçik qızlarının mayın 28-də yeddi ayı tamam olacaq. O belə hərəkət edəndə Əbülfəz başını divarlara vururdu, şokdaydı.

- Hadisə baş verən vaxt siz evdə idiniz?

- Bəli, evdəydik. Əbülfəs o biri otaqdaydı, mən orta otaqda. Bir də gördüm ki, Susana balkonun o biri tərəfinə keçib və oradan sallanıb. Əliylə taxtadan yapışmışdı. Görən kimi şoka düşdüm, hələ də özümə gəlməmişəm. 

- Psixoloji pozuntusunun olduğunu bildirdiniz. Məsələn, qeyri-adi hansısa hərəkətlər edirdi?

- O saçını ülgüclə keçəl eləyirdi. Deyirdi ki, belə xoşuma gəlirdi. Evdən tez-tez qaçırdı. Neçə dəfə balkondan özünü atmaq istəyəndə oğlum onu saxlayıb. Əbülfəz qorxudan qapıları bağlayırdı ki, o, özünü ata bilər. Mənim yeganə səhvim odur ki, Susananı psixoloqa aparıb, kağız almamışam. 

- Neçənci mərtəbədən atıb özünü?

- Üçüncü mərtəbədən. Yaxınlaşdım, yalvardım ki, Susana, özünü atma, balalarına yazığın gəlsin.

- Nə əcəb siz Susanayla danışdığınız müddətdə oğlunuz gəlib onu xilas etmədi?

- Oğlum yaxınlaşmağa qorxurdu ki, birdən özünü atar. Elə yerdə dayanmışdı ki, ona yaxın getməyə qorxurduq. Oğlum balkonun altına qaçdı ki, özünü atanda tutsun. Amma çatdırmadı. İnsanlar da yığışıb videoya çəkirdilər. Beş-altı kişi yığışıb onu tuta bilərdi də. Amma etmədilər. Sosial şəbəkədə ağızlarına gələni yazanlar, Susananı xilas edə bilərdilər.

- Gəlininiz neçə yaşı var idi?

- Oğlum 1978-ci, gəlinim 1986-cı ildəndir.

- Bildirilir ki, Əbülfəz Susananı döyürmüş.

- Belə şey olmayıb. Onlar bir-birini seviblər. Bal aylarını Avropada keçiriblər, bir il orada yaşayıblar. Böyük qızları da orada doğulub. 

- Susana işləyirdi?

- Əvvəl oğlum işləməyinə icazə verirdi, sonra yox. Bacıları onun psixologiyasına mənfi təsir göstərirdilər. Belə şeyləri açıq danışmaq olmur da. Susananın bacısı mənim oğlumun masajçı dostuyla intim əlaqədə olmuşdu. Susana onu eşidəndə çox pis olmuşdu. Adətən masajçılar öz işlərini görürlər, başqa niyyətləri olmur. Oğlum onu döymürdü, sadəcə bacılarıyla münasibətinə icazə vermirdi. İndi bacısı Əminə Susananın sinəsi açıq fotolarını paylaşır. Oğlum o fotoları görsə, başını divarlara vurar.

- Bu söhbətin üstü necə açılmışdı?

- Oğlumun dostu bildirdi ki, mən öz işimi görürdüm, başqa niyyətim yox idi. Amma o məni intim münasibətə məcbur elədi. Susana da həmin bacısıyla-Əminəylə çox yaxın idi. Lazım olsa, Əbülfəzin dostunu məhkəməyə də gətirdəcəm. İndi Əminə yazır ki, Simuzər xanımla narkoman oğlu sənə qıydılar. Elə deyil axı. Əslində, Susananın intiharının əsl səbəbi budur. Əminə Susananın sinəsi açıq fotolarını "Instagram"da paylaşırdı. Əbülfəz də deyirdi ki, sənin belə fotoların sosial şəbəkələrdə nə gəzir?

- Hazırda uşaqlar kimdədir?

- Uşaqlar mənim yanımdadır. Oğlum bilsə ki, uşaqlar onlara gedib, intihar edər. Əbülfəz deyir ki, qızlarımı onun bacıları kimi böyüdə bilmərəm. Susananın anası rusdur. Rus olanda nə olar? İnsan idi. Doğrusu, elçi gedəndə anasının rus olmağına görə etiraz etmişdim. Amma dedilər ki, müsəlmanlığı qəbul edib, razılaşdım.

- Hər ikisinin ilk evliliyi idi?

- Susananın ilk, oğlumun ikinci evliliyidir. Əbülfəzin övladları ancaq bundandır. Oğlum övladlarına çox bağlıdır. Deyirdi ki, övladlarımın anasını heç vaxt atmaram. Bu gün Kürdəxanı təcridxanasına aparacaqlar.

- Nə işlə məşğul olurdu?

- Oğlum idmançıydı, trenajor zalında işləyirdi, mühafizəçi kimi çalışırdı. 

- Gəlininizin zərərli hesab ediləcək vərdişi var idi?

- Xeyr. Evdar, zəhmətkeş qız idi. Onların arasında bəlkə də elə söhbətlər olub ki, məndən gizlədiblər. Masaj məsələsini də məndən gizlətmişdilər. Bir də demək istəyirəm ki, bu uşaqlar onsuz da anasız qalıblar. Heç olmasa atalarından da məhrum olmasınlar. Çox istərdim ki, oğlum barəsində qərar çıxarılarkən bunlar nəzərə alınsın. Çünki o günahsızdır.

RePost.Az