6 yaşlı qızını divara çırparaq öldürən ataya 14 il HƏBS

Bu gün Bakı Ağır Cinayətlər Məhkəməsində ögey qızını qulağından tutub divara çırpa-çırpa öldürməkdə təqsirləndirilən 1982-ci il təvəllüdlü Elnar Hacıyevin cinayət işi üzrə məhkəmə prosesi davam etdirilib. 

RePost.Az-ın qafqazinfo-ya istinadən verdiyi xəbərə görə, hakim Tamella Nəsrullayevanın icraatında olan prosesdə cəza istənilib.

Dövlət ittihamçısı çıxış edərək E.Hacıyevin 14 il müddətinə azadlıqdan məhrum edilməsini istəyib.

E.Hacıyev dövlət ittihamçısının çıxışına qışqıraraq "açın qapını, mən çıxıb gedirəm, 12 il türmədə qalmaq istəmirəm" deyərək reaksiya verib.

E.Hacıyev son söz deməkdən imtina edib.

Məhkəmə kollegiyasının hökmü ilə Elnar Hacıyev 12 il müddətinə azadlıqdan məhrum edilib.

Qeyd edək ki, hadisə ötən il iyulun 28-də baş verib. Elnar Hacıyev işdən evə gəlib. Bu zaman o, doğma qızı Həcər Hacıyevaya ləyəndə su gətirməsini tapşırıb. Qızı ləyəndə su gətirib, atası ayağını yuyub. E. Hacıyev ayağını yuduqdan sonra ləyəni ögey qızı olan 6 yaşlı Ramilə Abdulxaliqovaya tapşırıb. 6 yaşlı qız ləyəni qaldıran zaman gücü çatmayıb. Suyu döşəməyə töküb. Bundan əsəbiləşən Elnar Hacıyev 6 yaşlı qıza yumruq və təpik zərbələri endirib. Bununla da kifayətlənməyən Elnar Hacıyev R. Abdulxaliqovanı qulağından qaldırıb evin divarına bir neçə dəfə çırpıb. Bu zaman 6 yaşlı qız huşunu itirib. Bunu görən Elnar Hacıyev qızın üstünə su töküb. Qızın özünə gəlmədiyini görən Elnar Hacıyev onu divana uzadıb. Öz qızı Həcəri Ramilənin yanına qoyaraq tibbi yardım göstərmək üçün aptekə gedib. Lakin 6 yaşlı qız keçinib.