Azərbaycan və Rusiyanın idman akademiyası birgə aksiya keçirib

Azərbaycan Respublikası və Rusiya Federasiyasının İdman akademiyaları  Gənclər Gününə həsr olunmuş birgə aksiya keçiriblər. Bu barədə RePost.Az-a  Azərbaycan İdman Akademiyasından məlumat verilib. 

 

Məlumatda deyilir ki, 2016-2017-ci tədris ili bir sıra yeniliklər, yeni ixtisasların tətbiqi, təkcə sosial aksiyaların, aparıcı universitetlər və təşkilatlar ilə əməkdaşlıq deyil, həm də beynəlxalq sazişlərin imzalanması ilə yadda qalıb. Belə sazişlərin biri Azərbaycan Dövlət Bədən Tərbiyəsi və İdman Akademiyası və Smolensk Dövlət Bədən Tərbiyəsi, İdman və Turizm Akademiyası arasında imzalanıb.

 

Saziş çərçivəsində qarşılıqlı əməkdaşlıq haqqında memorandum, birgə beynəlxalq proqramların yaradılması, tələbə, aspirant, gənc alimlər üçün idman təhsil sahəsində innovasiya layihələrinin həyata keçirilməsi, habelə elmi-pedaqoji heyət kimi, həm də şagirdlərə faydalı ola bilən bilik və təcrübə mübadiləsi haqqında razılıq əldə olunub.

 

Onlayn aksiya iki universitetin təşəbbüsü ilə sosial şəbəkələrin istifadəçiləri üçün səhifələrindən sağlam həyat tərzi və iki universitetin əməkdaşlığının dəstəklənməsi məqsədilə hazırlanıb.

 

Cari ilin avqust ayında hər iki ali təhsil müəssisəsində Gənclər Gününə həsr olunmuş onlayn kampaniyaya başlanılıb. Kampaniya sağlam həyat tərzi və idmana dəstək konsepsiyasını, eləcə də sosial şəbəkələr vasitəsilə onlayn dəstəyi özündə birləşdirir. Akademiyaların sosial şəbəkələrdə olan səhifələrinin istifadəçiləri profil şəkillərini xüsusi çərçivəyə alıb, həyat, sağlam tərzinin istiqamətini dəstəkləyiblər. Onlayn kampaniyanın təşəbbüskarları inanırlar ki, aksiyanın keçirilməsi Azərbaycan Respublikası və Rusiya Federasiyasının gəncləri arasında dostluq münasibətlərinin möhkəmlənməsinə daha bir addım olaraq nümunə kimi olacaq.

 

Qeyd etmək lazımdır ki, hər iki akademiya dostluq münasibətlərini möhkəmləndirməyi, ali məktəbləri arasında gənclər, idman və elmi layihələrin sahəsində əməkdaşlığı inkişaf etdirməyi planlaşdırır.

 

RePost.Az