Digər Xəbərlər
Bakıda 9 bal gücündə zəlzələ baş verə bilər – VİDEO
Bakıda 8-9 bal gücündə zəlzələ baş verə bilər.
Respublika Seysmoloji Xidmət Mərkəzinin alimləri Səbail rayonunun seysmik risklərini tədqiq edərkən bu qənaətə gəliblər.
Mərkəzin şöbə müdiri Tahir Məmmədlinin sözlərinə görə, Azərbaycanda indiyə qədər baş verən zəlzələlərin heç biri 7 baldan yuxarı olmayıb.
Tədqiqatlar zamanı o da məlum olub ki, paytaxtın seysmoloji baxımdan ən aktiv zonası Səbail rayonunun “20-ci sahə” və “Bayıl yamacı” adlandırılan əraziləridir.
Layihə çərçivəsində Səbail rayonu ərazindəki tikililərin özüllərinin vəziyyəti və onların zəlzələyə davamlılığı da öyrənilib. Məlum olub ki, rayonda bir neçə tip bina var. Onlar müasir hündürmərtəbəlilər, 2-3 mərtəbəli villalar, köhnə həyət evləri, tarixi tikililər, sovet dövründə tikilmiş beşmərtəbəli və doqquzmərtəbəli binalardır.
Gözlənilən zəlzələ zamanı sürüşmənin olacağı da istisna edilmir. Xüsusən də rayonun “20-ci sahə” və “Bayıl yamacı” faktiki olaraq zəlzələ zamanı aktiv şəkildə sürüşməyə məruz qala bilər.(Xezerxeber.az)
RePost.Az
Baxış sayı: 3846 | Tarix: 06.10.2017
Bizi Telegramda izləyin: @repostaz
