Könül Xasıyeva oğluna toy kimi ad günü etdi - FOTOLAR

Xalq artisti Könül Xasıyeva dünən şəhər restoranlarından birində oğlu Kazımın 10 yaşını qeyd edib. Gecəyə məşhurun bir çox sənət yoldaşları qatılıb.

RePost.Az xəbər verir ki, sənətkar oğlunun ad günü ilə bağlı Milli.Az-a açıqlama verib.

"Gecəyə gələn bütün sənət dostlarıma təşəkkür edirəm. Mən xüsusi heç kimi dəvət etməmişdim, sağ olsunlar özləri gəlib necə lazımdır iştirak etdilər. Oğlum üçün ad gününü toy kimi etdim. Həyatın işini bilmək olmur. Hamının arzusu var, mənim də arzum onun toy gününü görməkdir. Ona vağzalı çaldırıb, boynuna şal, barmağına üzük taxdım. Allah onun toyunu görməyi mənə nəsib etsin", - deyə müğənni bildirib.