Digər Xəbərlər
Özəl çimərliklərdə istirahət neçəyə başa gəlir? - VİDEO
Son günlər hava şəraitinin küləkli keçməsinə baxmayaraq, dənizə gedənlərin sayı az deyil.
RePost.Az-ın “Xəzər” TV-yə istinadən məlumatına görə, həftəsonu istirahəti fürsət bilən paytaxt sakinləri çimərliklərə üz tuturlar.
Pulsuz çimərliklərlə yanaşı, özəl çimərliklərə gedənlər də az deyil. Odur ki, özəl çimərliklərə gedənlərin sayının çox olması buradakı xidmətlərin qiymətini də gündəmə gətirir.
İstirahətə gedənlərin bəziləri özləri ilə müxtəlif qidalar aparırlar, amma bəzi şəxslər üz tutduğu məkanda yeməyə üstünlük verirlər.
Özəl çimərliklərin bəzilərində dənizə giriş pulsuz olsa da, göstərilən xidmətlərin hamısı ödənişlidir.
Belə çimərliklərdə iki nəfərlik istirahət orta hesabla 30-50 manata başa gəlir. Çimərliklərdə ən çox tələb bisetkalaradır. Minimum dörd nəfərlik bisetkanın günlük qiyməti 10 manatdır. Bundan başqa, mürəbbə ilə çay 10 manatdır.
Çimərliklərdə tələb olunan yeməklərin başında kabab gəlir. Kababların qiyməti isə 5 manatdan başlayır.
Sorğu zamanı məlum oldu ki, istirahətə gələnlər orta hesabla iki nəfər üçün minimum 20 manatdan çox pul xərcləməlidir. Bundan başqa, həftə sonları canlı musiqi təşkil olunan çimərliklər də var.
Mövzu ilə bağlı daha ətraflı videomaterialı təqdim edirik:
RePost.Az
Baxış sayı: 4682 | Tarix: 23.07.2018
Bizi Telegramda izləyin: @repostaz
