Digər Xəbərlər
Bakılı qadını Yevlaxda öldürüb kanala atdılar
Mayın 25-də Yevlax rayonunun Varvara kəndi ərazisindən keçən su kanalının kənarında boğaz nahiyəsində xəsarəti olan 25-30 yaşlı qadın meyiti tapılıb.
Bu barədə Daxili İşlər Nazirliyi məlumat yayıb.
Onun Bakı şəhər sakini Alyona Yanqarova olduğu müəyyən edilib.
Faktla əlaqədar Cinayət Məcəlləsinin 120-ci (qəsdən adam öldürmə) maddəsi ilə cinayət işi başlanıb.
Keçirilmiş əməliyyat-axtarış tədbirləri ilə A.Yanqarovanı tamah məqsədilə qətlə yetirməkdə şübhəli bilinən Qaramanlı kənd sakini, əvvəllər məhkum olunan Ə.Fərmanov saxlanılaraq istintaqa təhvil verilib.
Hazırda fakt üzrə zəruri istintaq və əməliyyat-axtarış tədbirləri davam etdirilir.
RePost.Az
Baxış sayı: 3865 | Tarix: 27.05.2019
Bizi Telegramda izləyin: @repostaz
