Azərbaycan yığmasının və “Qarabağ” klubunun baş məşçqisi Qurban Qurbanov mətbuat konfransında maaşı ilə bağlı açıqlama verib.
 
RePost.Az-ın məlumatına görə, baş məşqçi ilinə 1 milyon maaş alacağı barədə suala belə cavab verib: 
 
“Maaşın məbləği məni o qədər də maraqlandırmır. Məni tanıyanlar bilir. Hədəfim Azərbaycan futboluna xidmət etməkdir. Maaşın nə qədər olması vacib deyil. Xalqımız, dövlət başçımız, AFFA rəhbərliyi tərəfindən mənə verilən qiymət aldığım maaşdan qat-qat çoxdur. Mənə daha çox maraqlı olan budur”, - deyə Qurban Qurbanov bildirib.
 
Qeyd edək ki, KİV-də yayılan məlumatlara görə, AFFA ilə 6 illik müqavilə bağlayan Qurban Qurbanovun illik qazancı 1 milyon manatdır.
 
Qurban Qurbanovun komandası 2020-ci ildə keçiriləcək Avropa çempionatına vəsiqə qazanarsa, məşqçi 200 min manat əlavə gəlir əldə edəcək.
 
Qurbanov "Qarabağ" klubunun baş məşqçiliyindən gedəcəyi ilə bağlı xəbərlərə də aydınlıq gətirib. O deyib ki, "Qarabağ"la müqaviləsinin bitməsinə hələ bir il var. Milliyə təyinat zamanı da hər iki komandada işləyəcəyi bildirilib.
 
RePost.Az

Baxış sayı: 4340 | Tarix: 20.12.2017
Bizi Telegramda izləyin: @repostaz