İlham Əliyevin “Euronews” kanalına müsahibəsindən seçmələr

Azərbaycan prezidenti İlham Əliyev: 

 

Rusiya faktiki olaraq 10 noyabr 2020-ci il tarixli atəşkəs razılaşması və ya bəyannaməsinin vasitəçi ölkəsi olub. Bu, nə ABŞ və ya Aİ deyildi. 

 

Erməni həmkarımla ilk təmaslarımız Rusiya tərəfindən Rusiyada təşkil edildi. 

 

Rusiya-Ukrayna müharibəsindən sonra vəziyyət dəyişdi və biz ABŞ və Avropanın fəallaşdığını görməyə başladıq. 

 

Əslində prosesə kimin rəhbərlik edəcəyi və ya danışıqlar prosesini müəyyən dərəcədə kimin monopoliyaya alacağı bizim üçün heç bir əhəmiyyət kəsb etmir. Əsas odur ki, nəticə əldə edək.

 

Rusiya Azərbaycanın qonşusu və tərəfdaşıdır.

 

Azərbaycan Laçın yolunda hərəkət azadlığına maneə olmayıb. Biz aprelin 23-də sərhəd-keçid məntəqəsi yaratdığımızdan Qarabağda yaşayan 2000-dən çox insan asanlıqla Ermənistana gedib-gəlib. İyunun 15-də Ermənistan növbəti hərbi təxribat törədib, sərhədçilərimizdən birini yaralayıb və yol istintaqa müvəqqəti bağlanıb. Lakin sonradan yenidən açılıb. Qırmızı Xaç Ermənistanda müalicəyə ehtiyacı olan xəstələrin təxliyyəsi və dərman preparatlarının daşınması üçün yenidən işə başlayıb. Amma təəssüf ki, Qırmızı Xaç yük maşınlarını yoxlayanda siqar, iPhone və benzin kimi qaçaqmalçılıq məhsulları tapdıq. Qırmızı Xaç bunu qəbul edib bizimlə əlaqə saxladı və bununla bağlı heç bir məsuliyyət daşımadıqlarını bildirdi. Amma bu yük maşınlarının nişanları, loqoları, sürücülərin isə formalarında loqo var idi.

 

Ermənistan sülh istəyirsə, biz bunu təmin edəcəyik, çünki bizim Ermənistana heç bir ərazi iddiamız yoxdur və onların da ərazi iddiası irəli sürməsini istəmirik. 

 

Hazırda Qarabağda Rusiya sülhməramlılarının müvəqqəti nəzarətində olan ərazidə yaşayan insanlar Azərbaycanda yaşayır. Azərbaycan vətəndaşları kimi, etnik azlıqlar kimi, digər etnik azlıqlar kimi - Azərbaycan bu baxımdan çox zəngindir - onlar yaşamaq və ya getməyi seçməlidirlər.

 

Biz Ermənistandakı ermənilərə mesaj veririk ki, biz onların dövləti ilə barışmaq istəyirik.

 

Onlara daha bir mesaj ondan ibarətdir ki, onlar hazırkı geosiyasi vəziyyətdən, qüvvələr balansından aydın şəkildə xəbərdar olmalıdırlar. 

 

Erməni rəhbərləri uzun illər xalqı inandırırdılar ki, onlarda dünyanın ən güclü ordusu var və müharibə başlasa, Bakıya gələcəklər. Müharibə bu söhbəti məhv etdi. 

 

Biz başqa müharibə istəmirik. Nə bu gün, nə də gələcəkdə. Digər tərəfdən, Qarabağdakı ermənilər öz “qondarma liderinin” arxasınca getməməlidirlər. Bu liderlər onlara daim yalan danışırdılar. 

 

Ona görə də Qarabağ erməniləri başa düşməlidirlər ki, təhlükəsizlik təminatları və hüquqları, o cümlədən təhsil, mədəniyyət, din və bələdiyyə hüquqları ilə Azərbaycan cəmiyyətinin bir hissəsi kimi normal həyat sürəcək və manipulyasiya girovluğundan qaçacaqlar. 

 

Biz onlara normal həyat təklif edirik. Düşünürəm ki, məni dinləsələr, başa düşəcəklər.