Digər Xəbərlər
Tovuzda qəbiristanlıqda gizlədilən narkotik tapılıb, silahlı şəxs tutulub
Tovuzda qəbiristanlıqda gizlədilən narkotik tapılıb, silahlı şəxs tutulub.
DİN-in Mətbuat xidmətinin Gəncə regional qrupundan verilən məlumata görə, Tovuz Rayon Polis Şöbəsinin əməkdaşlarının həyaya keçirdikləri tədbirlərlə narkokuryerlik edən, əvvəllər məhkum olunmuş 49 yaşlı Cəmaləddin Bayramov saxlanılıb.
Ondan 4 kiloqram narkotik vasitə olan marixauana, tiryək, 1 ədəd avtomat, həmin silaha aid daraq və 4 ədəd patron aşkar edilib.
Araşdırmalarla müəyyən edilib ki, C. Bayramov ölkə ərazisinə qeyri-qanuni yolla gətirilərək Tovuz rayon ərazisindəki qəbiristanlıqların birində gizlədilən narkotiki şəxsi istifadəsi ilə yanaşı satış məqsədi ilə əldə edib.
Faktla bağlı cinayət işi başlanıb, saxlanılan şəxs barəsində həbs qətimkan tədbiri seçilib. Araşdırmalar davam etdirilir.
Baxış sayı: 388 | Tarix: 22.01.2025
Bizi Telegramda izləyin: @repostaz
