Rəqqasə Aytən bir gecəlik qiymətini AÇIQLADI: 800 manat

Oriental rəqqasə Aytən Əliyevaya ad günü münasibəti ilə bağışlanan hədiyyələrin arasında 3 otalıq mənzilin açarları da olub.

 

RePost.Az xəbər verir ki, rəqqasə hədiyyənin ona kim tərəfindən bağışlanıldığını aznews.az-a açıqlayıb:

 

-Dünən mənim ad günüm idi. Hədiyyələrin sayı-hesabı yox idi. Sevgilim mənə şəhərin mərkəzində 3 otaqlı mənzil hədiyyə edib. Amma evin qiyməti sirrdir. Çünki belə şeylərin yazılmasını istəmirəm, ayıbdır. Açığını deyim ki, mənzilin qiymətini heç özüm də bilmirəm. Düzü bu hədiyyədən xəbərim olmayıb. Sevgilim bunu əvvəlcədən təşkil edib. O, rəfiqələrimlə danışıb, guya məni həmin binada kiminsə evinə qonaq aparacaqdı. Qapını açanda boş ev gördüm. Sonra hiss etdim ki, bu ad günüm ilə bağlı sevgilimin mənə hədiyyəsidir. Çox sevindim.

 

-Sevgilim-sevgilim deyirsiz, bəs toy nə vaxtdır?

 

-Toy olmayacaq.

 

-Səbəbi nədir?

 

-Biz artıq sevgilimlə 7 ildir ki, bərabər həyat yaşayırıq. Bu müddət ərzində bir dəfə də olsun toy haqqında düşünməmişik.

 

-Sevgiliniz evlidir?

 

-Yox, subaydır. Heç vaxt evli olmayıb. Mənim ailəli insanlarla işim olmaz. Heç vaxt ailəli insanı sevmərəm, onu sevgili kimi qəbul etmərəm. Onun ailəsi olsa, mən onu heç vaxt qəbul etmərəm. Ailəsi olmadığı üçün 7 ildir ki, yanımdadır. Nə vaxt evlənmək istəsə, ikinci gözlə mənə baxmaq fikirinə düşsə, onu qəbul etməyəcəm. Həmin anda ayrılacam. Heç vecimə də olmayacaq. Biz bir-birimizi çox istəyirik. Təəssüf ki, mənim hər gün onun yanında olmağa vaxtım yoxdur. İşlərim çox olur, vaxt isə az. Amma yenə də urəyimiz bir-birimizin yanındadır.

 

-Sevgiliniz iş adamıdır?

 

-Hə. Normal qazancı var, sən deyən də tanınmış şəxs deyil. Hər yerə gedirik. Amma mən onunla olduğum anlarda foto çəkdirib paylaşmıram. Belə şeyləri sevmirəm.

 

-Deyirlər ki, sənətdən ayrılmısınız. Bu şaiyədir, yoxsa...

 

-Bu mənim düşmənlərimin işidir. Hansı ki, onların gözü məni götürmür, paxıllığımı çəkirlər. Mən 15 ildir ki, bu sənətdəyəm. Allaha şükürlər olsun ki, həmin müddətdə yaxşı pul qazandım. Və həmin pulu ağılla işlətməyə qərar verdim. Öz gücümə ev, maşın almışam. Başqaları kimi gedib 150-200 min manata maşın sürməmişəm. Qazancımı zinət əşyalarına və bir də evimə xərcləmişəm. Pulu ağılla xərcləmək lazımdır. Bu gün mən sənətdəyəm, heç bir yerə ayrılmamışam.

 

-Sənət fəaliyyətiniz əsasən haralarda olur?

 

-Ancaq özəl yerlərə gedirəm. Hara gəldi getmək mənə yaraşmaz. Bu gün 50-100 manatlıq yerdə oynamaq, şabaşa, masalara yaxınlaşıb pul yığmaq mənə yaraşmaz. Türkiyənin və eləcə də dünyanın ən tanınmış rəqqasəsi Asena məni ad günümlə bağlı təbrik edib. Bilirsiniz, bu nə deməkdir? Hansı ki, Asena oriental rəqs sənətinə ən çox yenilik gətirən sənətçidir. Sənətlə bağlı ondan çox örnək götürürəm. Bu zirvəyə çatdığım üçün də ona borcluyam. Çox mehribanam. Hamıya təmiz ürəklə baxıram. Amma baxıram ki, bəzən dabanımı tapdalayan adamlar da var. Üzümə heç nə deyə bilmirlər, gücləri elə arxadan danışmağa çatır. Düşünürəm ki, onlar üzümə söz deməyə qorxurlar, cəsarətləri çatmır. Mənim cücərdib ortaya çıxardığım rəqqasələr qeybətimi edirlər. Onlar anlamır ki, danışdıqları sözlərin hamısını mənə çatdırırlar. Bilmirlər ki, Aytən çoxbilmişdir. Durub uşaq kimi kiməsə deməyəcəm ki, niyə haqqımda danışmısan. Bunu özümə sığışdırmaram. Danışsınlar, onsuz da onlar hara getsə də belə dolanıb-dolanıb mənim yanıma gələcək. Ona görə mənim heç kəslə prinsipim yoxdur. Rəqsimi də davam etdirirəm. Ən gözəl, özəl məclislərə gedirəm, tanınmış şəxslərin əhatəsində oluram. Amma mən o gecələrin heç birini sosial şəbəkədə paylaşa bilmirəm. Hətta telefonla şəkil çəkməyə də icazə vermirlər. Düzü, mən də onların istəklərinə etiraz etməmişəm, həmişə razı olmuşam. Bu da qəbul olunandır. Çünki məni gecəsinə dəvət edən şəxs ailəsinin şəklinin sosial şəbəkədə paylaşılmasını istəmir. Aytən daha uşaq-muşaq məclislərinə getmir. Onlar elə düşünür ki, mən hara gedirəmsə, ordan mütləq şəkil çəkdirib paylaşmalıdır. Altdan-altdan pulumu qazanıram. Belə ucuz reklama nə gərək var? Bunlar lazım deyil. Biz, əvvəlki rəqqasələr çox yaxşı pul qazandıq. İndiki cücələr düşüblər ortaya, amma nə sənət var, nə də pul.

 

-Sirr deyilsə, bir gecə üçün sənətinin qiyməti neçəyədir?

 

-Mən pul danışıram, səhnəyə çıxıram. Bir gecəyə 800 manat. Bu mənim qiymətimdir. Geyimlərim də bahadır. Düzü, bir az geyimlərimi dayandırmışam. Paltarlarım çoxdur, hətta onların bəzilərini satışa çıxartdım.

 

-Bundan sonra neçə il səhnədə olacaqsınız?

 

-10 il. Bir də ki, sənətimi niyə atıram? Çəkim, gözəlliyim yerində.

 

RePost.Az