Digər Xəbərlər
Azərbaycanla Ermənistan arasında sülh müqaviləsinin imzalanmasına mane olan SƏBƏBLƏR
Azərbaycanla Ermənistan arasında sülh müqaviləsinin mətni razılaşdırılıb.
Hər iki tərəfdən verilən yeni açıqlamalara görə, müqavilənin imzalanmasına maneə olan faktorlar aşağıdakılardır:
● Azərbaycan tərəfi düşünür ki, sənədi imzalamaq üçün əvvəlcə Ermənistan Konstitusiyanı dəyişməli və ATƏT-in Minsk Qrupunun ləğvi üçün müraciət etməlidir. Sənəd yalnız bundan sonra imzalanacaq.
● Ermənistan tərəfi düşünür ki, razılaşdırılmış bəndlər indi imzalanmalıdır və bu imzalanmadan sonra Ermənistan Azərbaycanla birgə ATƏT-in Minsk Qrupunun ləğv edilməsi üçün müraciət edəcək.
● Eyni zamanda Ermənistan tərəfi Konstitusiya dəyişikliyini müzakirə etsə də, bunun yaxın zamanlarda baş tutmayacağı bildirilir. Erməni politoloqlar Paşinyan hökumətinin 2026-cı il Parlament seçkilərindən sonra Konstitusiya dəyişikliyinə gedəcəyini bildirirlər.
Baxış sayı: 597 | Tarix: 14.03.2025
Bizi Telegramda izləyin: @repostaz
