Ermənistanın Ararat əyalətində seçki məntəqələrindən birində atışma olub.
 
RePost.Az xəbər verir ki, bu barədə ölkə polisi məlumat yayıb.
 
Qeyd edilir ki, insident Azataşen kəndindəki seçki məntəqəsində baş verib. Hadisə yerinə operativ qrup göndərilib.
 
Məlumata görə, “Çiçəklənən Ermənistan” və “Verelk” partiyalarının üzvləri arasında mübahisə yaranıb. Mübahisə zamanı qaz tapançasından atəş açılıb.
 
“Silah maddi sübut kimi götürülüb, təhqiqat aparılır”, - polisin məlumatında bildirilir.
 
Bu gün Ermənistanda uzun müddətdir davam edən daxili ictimai-siyasi böhran şəraitində növbədənkənar parlament seçkiləri keçirilir. Seçkilərdə 21 partiya və 4 seçki bloku iştirak edir. Parlament seçkilərində bir sıra qanunsuzluqlar qeydə alınıb.
 

Baxış sayı: 3599 | Tarix: 20.06.2021
Bizi Telegramda izləyin: @repostaz