Azərbaycan Dövlət Neft Şirkətinin (SOCAR) Ukraynadakı törəməsi “SOCAR Energy Ukraine” şirkəti bu ölkənin Müdafiə Nazirliyinin elan etdiyi tenderin qaliblərindən biri olub.
 
“Report” xəbər verir ki, bu barədə Ukrayna mətbuatı məlumat yayıb.
 
Məlumata görə, nazirlik 26 960 ton dizel yanacağının alınması üzrə elan etdiyi tenderin nəticələrini açıqlayıb. Qaliblər “Alyans Energo Trade”, “Exxon UK” və “OKKO Kontrakt” şirkətləri ilə yanaşı “SOCAR Ukraine” şirkətidir. Azərbaycan şirkətindən tonu 29 445 qrivnadan (1 870 manat) 4 min ton dizel yanacağı alınacaq.
 
Digər qaliblərə gəlincə, “Alyans Energo Trade” şirkəti Müdafiə Nazirliyinə tonu 28 817 - 29 139 qrivnadan 13 750 ton, “Exxon UK” şirkəti tonu 29 283 qrivnadan 5 610 ton, “OKKO Kontrakt" şirkəti isə tonu 29 445 qrivnadan 3 600 ton dizel yanacağı tədarük edəcək.

Baxış sayı: 5537 | Tarix: 02.08.2021
Bizi Telegramda izləyin: @repostaz