Digər Xəbərlər
Ermənistan-İran yolu bağlandı, Qarabağda işıq kəsildi
Cümə axşamı, Azərbaycan hərbçiləri bir gün əvvəl Goris-Kafan yolunu bir neçə yerdə bağladığı üçün yüzlərlə yük maşını və sərnişin avtobusu Ermənistan və İranda ilişib qaldı.
Erməni mətbuatının yazdığına görə, dünən gecə Şurnux kəndi yaxınlığında, 26 -da isə Vorotan kəndi yaxınlığında yol bağlanıb. Məhz bu marşrut üzrə Ermənistanla İran arasında quru əlaqə həyata keçirilir və bu marşrutun bir hissəsi Azərbaycan ərazisindən keçir.
Yolu bağladıqdan sonra Şurnux və Vorotan sakinlərinin bir hissəsi təxliyə edildi. Sputnik-Ermənistan xəbər verir ki, Ağvani kəndindən keçən alternativ Sisian-Meqri yolu dəhşətli vəziyyətdədir və adi nəqliyyat oradan keçə bilməyəcək.
Erməni mənbələri yolun açılması ilə bağlı Azərbaycan tərəfi ilə danışıqların cümə axşamı axşamı başlamalı olduğunu bildirsələr də, danışıqlar nəticəsiz qaldı.
Qarabağda da çərşənbə axşamı gəginlik artır. Beləki, Şuşa rayonunun Turşsu kəndi yaxınlığında Azərbaycan hərbçiləri erməni polisinin postuna gələrək postun götürülməsini tələb ediblər. Bu fakt azərbaycanlıların Laçın dəhlizini nəzarətə götürməyə hazırlaşdıqları barədə şayiələrə səbəb oldu.
Eyni zamanda, cümə axşamının ikinci yarısında Qarabağın bütün ərazisində elektrik və internetin praktiki olaraq kəsildiyi bildirilir. Erməni tərəfi bunun səbəblərini açıqlamır, ancaq cümə günü işıqların kəsilməsinin davam etməsi ilə bağlı xəbərlər yayır.
Bütün bu faktlar Qarabağ erməniləri arasında ciddi gərginlik və narahatlıq yaratdı.
Baxış sayı: 3048 | Tarix: 27.08.2021
Bizi Telegramda izləyin: @repostaz
