Digər Xəbərlər
BAKU.WS saytı Rusiyada bloklandı
BAKU.WS saytına Rusiya ərazisində blok qoyulub.
Bu qərar "Roskomnadzor" (Rabitə, İnformasiya Texnologiyaları və Kütləvi İnformasiya Vasitələrinə Nəzarət Federal Xidməti) tərəfindən qəbul edilib.
Artıq bir neçə gündür BAKU.WS saytına daxil olmaq istəyən şəxslər Rusiya ərazisində qadağa ilə üzləşiblər.
Rusiya və Ukrayna arasında 24 fevral tarixində başlayan müharibədən bu yana sayt dəqiq, qərəzsiz və hər iki tərəfin təqdim etdiyi məlumatları dərc etməsinə baxmayaraq Rusiya tərəfindən demokartiya və söz azadlığına zidd mövqe ilə rastlaşıb.
Qeyd edək ki, Azərbaycanın ən oxunaqlı xəbər saytlarından olan və iki dildə (Azərbaycan və rus dillərində) fəaliyyət göstərən BAKU.WS-ə qarşı "Roskomnadzor"un bu addımı qərəzli və qanunsuzdur.
Məlumat üçün bildirək ki, bu günə qədər Rusiya ərazisində Azərbaycanın "oxu.az", "haqqin.az" və "minval.az" saytlarına da giriş məhdudlaşdırılıb.
Baxış sayı: 4777 | Tarix: 28.03.2022
Bizi Telegramda izləyin: @repostaz
