Digər Xəbərlər
Yaponiya Azərbaycanla bağlı qadağanı yumşaltdı
Yaponiya hökuməti koronavirus pandemiyasına görə Azərbaycan da daxil olmaqla 55 ölkəyə səfər məhdudiyyətlərini yumşaldıb.
AZƏRTAC xəbər verir ki, bu barədə Yaponiya Xarici İşlər Nazirliyinin yaydığı məlumatda bildirilir.
Qeyd edilir ki, həmin qərar Azərbaycan ilə yanaşı, Ermənistan, Rusiya, İndoneziya, Polşa, Tacikistan, Özbəkistan, Ukrayna, Filippin, Çexiya və digər ölkələri əhatə edir. Əgər əvvəllər XİN-in məlumatında həmin ölkələrlə əlaqədar vacib olmayan səfərlərin imtina edilməsi tövsiyə olunurdusa, bundan sonra həmin tövsiyə qüvvədən düşmüş hesab edilir.
Həmçinin Yaponiya əhalisi üçün pandemiya ilə əlaqədar vəziyyətə görə 41 ölkəyə səfərə icazə verilmirdisə, bundan sonra həmin göstəriş də ləğv olunur.
Bununla yanaşı, XİN xarici səfərlərə hazırlaşan bütün vətəndaşlara COVID-19-a qarşı tam peyvənd olunmağı tövsiyə edir.
Baxış sayı: 5214 | Tarix: 25.08.2022
Bizi Telegramda izləyin: @repostaz
