Digər Xəbərlər
İsraildə 1500 fələstinli silahlının meyiti tapılıb
Fələstin Səhiyyə Nazirliyi bildirib ki, Qəzza zolağında ölənlərin sayı 700-ü keçib. İsrailin hava hücumları nəticəsində 100-dən çox uşaq və 100-dən çox qadın ölüb. İsrail tərəfi isə bəyan edib ki, hazırda İsrail ərazisində 1500 nəfərə yaxın HƏMAS döyüşçüsünün meyiti tapılıb.
Bu barədə İsrail Müdafiə Qüvvələrinin sözçüsü Riçard Hek bildirib. Onun sözlərinə görə, İsrail hərbçiləri genişmiqyaslı hərbi əməliyyatlar nəticəsində ölkənin cənubuna nəzarəti bərpa etdikdən sonra İsrail ərazisində HƏMAS döyüşçülərinin xeyli sayda meyiti tapılıb. Ordu Qəzza zolağı ilə sərhəddə yerləşən ərazilərə nəzarəti, demək olar ki, tamamilə bərpa edib.
Xatırladaq ki, 7 oktyabrda səhər saatlarından etibarən Qəzza zolağından İsrailin cənub və mərkəzi bölgələrinə raket zərbələri endirilib. HƏMAS yaraqlıları yük maşınları və paraplanlarla Qəzza zolağından İsrail ərazisinə daxil olublar.
Buna cavab olaraq İsrail ordusu “Dəmir Qılınclar” hərbi əməliyyatına başladığını elan edib və bunun ardınca ölkə rəhbərliyi müharibə vəziyyətini rəsmən bəyan edib.
Baxış sayı: 5081 | Tarix: 10.10.2023
Bizi Telegramda izləyin: @repostaz
