Digər Xəbərlər
Hərbçimiz Ermənistandan Bakıya gətirilib
Laçında əlverişsiz hava şəraitində azan Azərbaycan hərbçisi Ermənistandan Bakıya gətirilib.
Əsgər Ruslan Pənahov bu gün Azərbaycana təhvil verilib.
Pənahov jurnalistərə açıqlamasında səhhətinin normal olduğunu, Vətənə geri qayıtdığına görə çox xoşbəxt olduğunu bildiirb.
O, Azərbaycan Prezidenti, Ali Baş Komandan İlham Əliyevə təşəkkür edib:
“Bilirdim ki, məni əsirlikdən xilas edəcək".
Qeyd edək ki, Azərbaycan Müdafiə Nazirliyinin yaydığı məlumata görə, fevralın 28-i səhər saatlarında Azərbaycan Ordusunun əsgəri Pənahov Ruslan Eldəniz oğlu Laçın rayonu ərazisindəki xidməti mövqelər arasında hərəkət edərkən əlverişsiz hava şəraitində istiqaməti itirərək azıb.
Ermənistan tərəfi isə açıqlama yayaraq, şərti sərhədi keçən Azərbaycan əsgərinin saxlanıldığını bildirib.
Ermənistanda Azərbaycan Ordusunun hərbçisinə qarşı uydurma ittihamlarla cinayət işi açılıb. Ruslan Pənahov müstəntiqin qərarı ilə həbs olunub.
Ötən gün Ermənistan İstintaq Komitəsi Azərbaycan hərbçisi Ruslan Pənahovla bağlı cinayət təqibinə xitam verib. Ermənistanla Azərbaycan arasında əldə edilmiş razılaşmaya əsasən, eyni zamanda, xoşməramlı jest olaraq, Ruslan Pənahovun Azərbaycana təhvil verilməsi barədə qərar qəbul edilib.
Baxış sayı: 3561 | Tarix: 05.03.2024
Bizi Telegramda izləyin: @repostaz
