Səfərbərlik və hərbi xidmətə çağırış xidmətinə əlavə səlahiyyətlər verildi

Səfərbərlik və Hərbi Xidmətə Çağırış üzrə Dövlət Xidmətinə yeni səlahiyyət verilib.

 

RePost.Az-ın xəbərinə görə, Azərbaycan Prezidenti İlham Əliyev bununla bağlı fərman imzalayıb.

 

“Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidməti haqqında Əsasnamə”nin 5-ci (xidmət fəaliyyətinin təşkili) maddəsinin 5.6.12-ci bəndinə əsasən, Səfərbərlik və Hərbi Xidmətə Çağırış üzrə Dövlət Xidmət vətəndaşları Xidmətə həqiqi hərbi xidmətə və işə qəbul edir, ali zabit heyəti istisna olmaqla, hərbi qulluqçuları vəzifəyə təyin və vəzifədən azad edir, onları həqiqi hərbi xidmətdən ehtiyata və ya istefaya buraxır.

 

Fərmanla həmin bənddə dəyişiklik edilib. Dəyişikliyə əsasən, Səfərbərlik və Hərbi Xidmətə Çağırış üzrə Dövlət Xidməti vətəndaşları həqiqi hərbi xidmətə və işə qəbul etməklə yanaşı, həm də işdən azad edəcək. 

 

RePost.Az