G7 sammiti çərçivəsində ABŞ prezidenti Co Bayden fransalı həmkarı Emmanuel Makronla görüşüb. Görüş zamanı tərəflər NATO-nun müasirləşdirilməsini, həmçinin Rusiya və Çinə qarşı siyasətlərini müzakirə ediblər.
 
RePost.Az APA-ya istinadən xəbər verir ki, bu barədə Ağ Evin mətbuat xidməti məlumat yayıb.
 
Bildirilir ki, tərəflər xüsusilə iki ölkə arasındakı əlaqələrin dərinləşdirilməsinə və transatlantik ittifaqa sadiq olduqlarını təsdiqləyiblər.
 
“Prezident Bayden və prezident Makcron NATO-nun gücləndirilməsi və modernləşdirilməsinə dair işləri, eləcə də terrorla mübarizədə sıx əməkdaşlığı, Çin və Rusiya kimi digər ümumi xarici siyasət prioritetlərini müzakirə ediblər”, - məlumatda belə deyilir.
 
G7 sammiti 11-13 iyun tarixlərində İngiltərənin cənubundakı Kornuoll qraflığında keçirilir.

Baxış sayı: 1642 | Tarix: 13.06.2021
Bizi Telegramda izləyin: @repostaz