Sabah Moskvada Türkiyə, Rusiya, Suriya və İran müdafiə nazirləri görüşəcək

Sabah Türkiyə, Rusiya,Suriya və İran müdafiə nazirləri arasında Mosakvada dördtərəfli görüş keçiriləcək.

 

Bu barədə Türkiyənin milli müdafiə naziri Hulisi Akar deyib.

 

Dekabrın 28-də Moskvada Türkiyə-Rusiya-Suriya müdafiə nazirləri və kəşfiyyat rəhbərlərinin iştirakı ilə üçtərəfli görüşün keçirildiyini xatırladan Hulisi Akar, qarşılıqlı fikir mübadiləsinin aparıldığı görüşdə bunların davam etdirilməsi üçün razılıq əldə edildiyini bildirib: “İranın bu görüşlərdə iştirakı ilə bağlı fikir mübadiləsi aparılıb. Bu, müvafiq orqanlar tərəfindən təsdiqlənib. Bu dəfə dördlük olaraq müdafiə nazirləri və kəşfiyyat rəislərinin iştirak edəcəyi görüşə hazırlaşırıq”.

 

Görüşün aprelin 25-də Moskvada keçirilməsinin planlaşdırıldığını vurğulayan nazir deyib: “Məqsədimiz buradakı problemləri danışıqlar yolu ilə həll etmək və ən qısa zamanda bölgədə sülh və əmin-amanlığın hökm sürməsini təmin etməkdir”.