Digər Xəbərlər
Bank İbrahim Nehrəmlinin bahalı avtomobilini satışa çıxardı
Ölkə banklarına külli miqdarda borcu olan "Avesta Concern" rəhbəri nehrəmli iş adamı kimi tanınan hacı İbrahim İbrahimova məxsus məşhur "Rolls Royce" markalı avtomobili də kreditdə imiş.
RePost.Az xəbər verir ki, gününsesi.info-nun İş adamına yaxın mənbələrə istinadən verdiyi xəbərə görə, İbrahim Nehrəmli həmin avtomobili oğlu Həsən İbrahimovun adına VTB bankdan kreditlə götürüb. Maşını almaq üşün 900 min dollar VTB bankdan kredit götürən hacı İbrahim son iki il ərzində ödənişləri həyata keçirməyib.
Dəfələrlə xəbərdarlıqlara baxmayaraq, iş adamı kredit borcunu verməyib. Məhz buna görə də bank iş adamının "Rolls Royce" markalı avtomobilini hərraca çıxarıb.
Onu da qeyd edək ki, İbrahim Nehrəmli bir müddət əvvəl Beynəlxalq Banka külli miqdarda borcu ilə gündəmə gəlmişdi. DİN-nin Baş Mütəşəkkil Cinayətkarlıqla Mübarizə idarəsi tərəfindən iki günlük həbs edilən iş adamı bütün əmlakını banka girov qoyduğu üçün sərbəst buraxılıb.
Hacı Nehrəmli isə avtomobilinin hərraca çıxarılmasını təkzib edib. O deyib ki, VTB bankdan heç vaxt kredit götürməyib. "Bəhs etdikləri "Rolls Royce" mənim özümdədir və kiməsə vermək niyyətim yoxdur. Bu kimlərinsə mənə qarşı qərəzli kompaniyasıdır. Heç avtomobilin nömrəsini də düz yazmayıblar. Məlumat tamamilə yalandır", - Nehrəmli vurğulayıb.
RePost.Az
Baxış sayı: 4568 | Tarix: 28.04.2017
Bizi Telegramda izləyin: @repostaz
