Culfada qəzada 4 polis həlak olub

Sentyabrın 12-də saat 05 radələrində Culfa rayonunda ölümlə nəticələnən yol-nəqliyyat hadisəsi baş verib.

Rayon sakini Qüdrət Quliyevin idarə etdiyi “BMW” markalı avtomobilin aşması nəticəsində sürücü və 3 sərnişini - Adnansoy Uğur Emin oğlu, Abbasov Səbri Mövla oğlu və Əliyev İlham Elnur oğlu hadisə yerində vəfat ediblər.

Qeyd edək ki, qəzada həlak olanların dördü də polis əməkdaşı olub. Hadisəyə yağıntılı hava şəraitində yüksək sürətin səbəb olduğu ehtimal edilir.

Faktla bağlı araşdırma aparılır.