Rəsulzadənin xanımının qəbri tapıldı - FOTO

Azərbaycan Xalq Cümhuriyyətinin banisi Məmməd Əmin Rəsulzadənin həyat yoldaşı Leyla (Vanda) xanımın məzarı tapılıb.

RePost.Az-ın məlumatına görə, bu barədə Türkiyədə yaşayan azərbaycanlı jurnalit Könül Şamilqızı Facebook hesabında məlumat paylaşıb. Onun qeydlərinə görə, Rəzulzadənin xanımı Esri məzarlığının xristian bölümündə dəfn olunub.

 

“Daha  əvvəl maraqlanmışdım və mənə Vanda xanımın Esri məzarlığında xristian bölməsində dəfn edildiyini və zamanın qanunlarına görə, kimsəsi olmadığı üçün məzarın yerini belə bilmədiyini demişdilər. Abbasqulu Kazımzadeənin məzarıyla bağlı bir şey öyrənmək ümidiylə əvvəlcə Cebeci Askeri Şehidliyinə getdim. Şəhidlik müdiri sağ olsun, bütün qeydləri çıxartdı, baxdı, yoxuydu. Oradan yenə bir ümidlə Esri mezarlığına gəldim. Mən gələnə qədər  şəhidlik müdiri onları da aramışdı, sağ olsun. Axtardılar, dəftərləri çıxartdılar, 47-ci il qeydlərində Abbasqulu Kazımzadə yoxdu. Bu arada söhbət edərkən Zeynəb xanıma Rəsulzadənin xanımının məzarının da Esri Məzarlığında olduğunu, amma tapılmadığını dedim. “Biz onu bulduk” dedi. Həyəcandan nəfəsim kəsiləcək kimi oldum. Dəqiqləşdirməyə çalışdım.

 

Bunları dedi:

 

“Daha əvvəl də bizdən soruşdular. “Xristian məzarlığındadır, amma kimsəsi olmdığı üçün yəqin itib”, – cavabını vermişdik. Çünki dəftərlərdə Vanda adlı birisinin məzarı qeyd olunmayıb. Bilgisayarda da yoxdur. Sonra yenə birisi  zəng etdi, sordu, mən yenə “yoxdur” dedim. O zəngdən sonra dəftərləri tökdüm, onu dəftərlərin birində – xristian bölümündə tapdım. Amma Vanda deyil, Leyla Rəsulzadə kimi orada qeyd olunub. Arayan adamın nömrəsini almamışdım deyə məlumat verə bilmədim. Çox da üzüldüm”.

 

“Zeynəb xanım dəftəri göstərdi, fotosunu çəkdim. Məzarın yerini soruşdum. “504 ada 55 parsel” dedi. Məzarlıq amiri Erol Güngör bəy sağ olsun, “Sen bulamazsın, gel gidelim”, – dedi. Çünki iki 55 parsel var – torpaq məzarlar ve beton məzarlar olan. Leyla Rəsulzadenin məzarı beton məzarlar olan hissədədir. Erol bəylə məzara getdik. Başdaşı yoxdu, qırılıb. Məzar durur. Üzərində Leyla xanıma aid olduğunu göstərən heç nə yoxdu. Amma Erol bəy “kütükler de, hristiyan bölümü olması da, tarix de, sol ve sağındakı mezarların üstünde olan iller de örtüşür, başqası olma ehtimalı yoxdu”, – dedi. Bunları paylaşmağı lazım bildim, sonrası tarixçilərin işidir. Mən əlimdən nə gəlirsə etməyə hazıram.

 

İdarəyə getməmişdən öncə böyük Məmməd Əmin Rəsulzadənin məzarını ziyarət etmişdim. Leyla xanımın məzarını tapınca bir də qayıtdım. “Rahat yat, səndən qalan hər şeyi tapacağıq, sahib çıxacağıq, səni sevdiyimiz kimi sevəcəyik”, - deyə Könül Şamilqızı qeyd edib.

 

RePost.Az