Digər Xəbərlər
Bakıda partlayış - Bir ailənin üç üzvü həlak oldu
Yanvar ayının 9-u, gecə saatlarında Yasamal rayonu, Tolstoy küçəsi 40 ünvanında birmərtəbəli 2 otaqlı, taxta konstruksiyalardan ibarət evdə yanğınla nəticələnən partlayış baş verib:
RePost.Az xəbər verir ki, hadisə nəticəsində mənzildə yaşayan 1956-cı il təvəllüdlü Məmmədov Aydın Əjdər oğlu, 1962-ci il təvəllüdlü Məmmədova Xuraman Cahangir qızı və 1993-cü il təvəllüdlü Məmmədova Aygün Aydın qızı həlak olub.
Hazırda hadisə yerinə hüquq-mühafizə orqanlarının əməkdaşları cəlb edilib.İlkin ehtimala görə, hadisə ehtiyatsızlıqdan baş verib.
“Həmin ünvanda aparılan ilkin araşdırmalardan buradakı hadisənin ehtiyatsızlıq ucbatından baş verdiyi məlum olub. Çox güman ki, mənzildə qaz xətti açıq olub, bu da gecə vaxtı köhnə xətlərdən qazın sızmasına və partlayışa səbəb olub. Məsələnin araşdırılması davam edir”, - Yasamal rayon icra hakimiyyətindən bildirilib.
RePost.Az
Baxış sayı: 3086 | Tarix: 09.01.2019
Bizi Telegramda izləyin: @repostaz
