Repost : Polisə tabe olmayan sürcü kimdir?

Bakıda polisi əməkdaşı və sürücü arasında insident yaşanıb.

RePost.Az xəbər verir ki, bu barədə görüntülər sosial şəbəkələrdə video yayılıb.

Videodan aydın olur ki, sürücü polisin əmrlərinə tabe olmur, müqavimət göstərir və qarşı yola çıxaraq təhlükəli vəziyyət yaradır, hətta polis maşınına zərər vurur.

Məsələ ilə bağlı RePost.Az-a açıqlama verən Bakı Şəhər Dövlət Yol Polisi İdarəsinin baş inspektoru, polis mayoru Araz Əsgərli bildirib ki, hadisə Babək prospektində qeydə alınıb:

"Paytaxtın Babək prospekti istiqamətində davamlı olaraq qayda pozuntuları edən sürücüyə saxla əmri verilməsinə baxmayaraq ətrafdakı insanların həyat və sağlamlığına ciddi təhlükə yaradan yol hərəkəti qaydalarını və ictimaiyyət əleyhinə olan qaydaları açıq şəkildə pozan sürücü saxlanılmış saxlanıldıqdan sonrada polis əməkdaşlarına qarşı tabesizlik göstərmişdir. Şəxs ərazi aidiyyatı üzrə 23-cü PB-yə təhvil verilib barəsində toplanmış material isə hüquqi qiymət verilməsi üçün məhkəməyə təqdim edilib. Məhkəmənin qərarı barədə ictimaiyyətə əlavə məlumat təqdim ediləcək".

RePost.Az həmin sürücünün şəxsiyyətini araşdırıb. Məlum olub ki, Nicat Həsənli adlı həmin şəxs qayda pozuntuilara meyilli biri, hətta sosial şəbəkələrdə cinayətkarlığı təbliğ edir.

Sözügedən görüntüləri təqdim edirik: