Digər Xəbərlər
Hacıqabulda yanğın - 5 ölü, 1 yaralı
Hacıqabulda baş verən yanğında bir ailənin 4 üzvü olmaqla 5 nəfər həlak olub, 1 nəfər yaralanıb.
RePost.Az xəbər verir ki, hadisədə həlak olanlar 1944-cü il təvəllüdlü Mütəllim Məmmədov, 1952-ci il təvəllüdlü Sara Abışova, 1981-ci il təvəllüdlü Aybəniz Abışova, 2010-cu il təvəllüdlü Zəhra Sadıqova və 2012-ci il təvəllüdlü Elgün Sadıqovdur. 1963-cü il təvəllüdlü Şölə Həsənova isə xəsarət alıb. Xəsarət almış şəxsə xəstəxanada ambulator tibbi yardım göstərilib və hazırda vəziyyəti stabildir.
Faktla bağlı Hacıqabul rayon prokurorluğunun əməkdaşları tərəfindən prokuror-kriminalist, Fövqəladə Hallar Nazirliyinin Əməliyyat-istintaq idarəsinin əməkdaşları və ekspertin iştirakı ilə dərhal hadisə yerinə baxış keçirilib, həmçinin zəruri və təxirəsalınmaz istintaq hərəkətləri icra olunub.
Hadisənin baş vermə səbəbinin müəyyən olunması istiqamətində Hacıqabul rayon prokurorluğunda araşdırma aparılır.
Baxış sayı: 6601 | Tarix: 12.10.2023
Bizi Telegramda izləyin: @repostaz
