Digər Xəbərlər
Məktəbin tavanı dərs zamanı çökdü - FOTO
Goranboy rayonunda orta məktəbin tavanı dərs zamanı çöküb.
RePost.Az BAKU.WS-ə istinadən xəbər verir ki, hadisə rayonun Boluslu kəndində yerləşən orta məktəbdə baş verib.
Belə ki, səhər saatlarında 2-ci siniflərin ilk dərsə başladığı zaman sinif otağının tavanı uçub.
Hündürlükdən tökülən torpaq qatı nəticəsində sinif otağını toz bürüyüb.
Xoşbəxtlikdən hadisə baş verən zaman şagirdlərdən xəsarət alan olmayıb.
Müəllimlərin köməkliyi ilə 20-dən artıq uşaq təhlükəsiz əraziyə çıxarılıb.
Yerli sakinlər bildirib ki, hadisə baş verən məktəb qəzalı vəziyyətdədir.
Həmin məktəb 1967-ci ildə istifadəyə verilib. Təhsil ocağının sinif otaqları yararsız vəziyyətdədir. Valideynlər Boluslu kəndi ərazisində yeni məktəb binasının inşa edilməsinə ehtiyac olduğunu bildiriblər.
Qeyd edək ki, Boluslu kəndində 1442 sakin yaşayır. Kənd orta məktəbində isə 232 şagird təhsil alır.
Baxış sayı: 4378 | Tarix: 16.09.2019
Bizi Telegramda izləyin: @repostaz
