Mərmər keks (RESEPT)

Bugünki reseptimiz uşaqlığımızda yediyimiz, doğum günlərində, qonaqlar gələrkən, bir sözlə bütün xüsusi günlərin vazkeçilməzi olan mərmər  keksdir. RePost.Az ləzzətli və gözəl görünüşlü keksin reseptini oxucularına təqdim edir.

 

Tərkibi:

 

350 qr kərə yağı

3 stəkan un

1 paket qabartma tozu

1 çimdik duz

2,5 stəkan şəkər tozu

5 böyük yumurta

1 stəkan süd

1 paket vanil və ya ½ damcı vanil ekstraktı

 

Hazırlanma qaydası:

 

İlk öncə bir qabda kərə yağına (otaq temperaturunda yumşaldılmış) un və şəkər tozu əlavə edib mikserlə çırpın. Daha sonra yumurtaları bir-bir sındırıb əlavə edin və mikserin yüksək sürəti ilə çırpın. Sonra sırayla süd,un,qabartma tozu və duz əlavə eidb mikserlə qarışdırın. Hazırladığınız xəmirdən 2 stəkan ayırın.Və ayırdığınız kütləni ayrı bir qaba töküb üzərinə kakao əlavə edib çırpın. Keks qabını yağlayıb unlayın. 3 xörək qaşığı sadə xəmirdən tökün, daha sonra üstünə 2 xörək qaşığı kakaolu xəmirdən tökün. Xəmir bitənə qədər eyni şəkildə davam edin. Əvvəlcədən 175 dərəcə qızdırılmış sobada təxminən 45-50 dəqiqə bişirin.

 

Nuş olsun!